MENTORVERKEFNIÐ VINÁTTA

Keila í febrúar

Halldora — Fri, 03 Feb 2012 14:23:07 +0000

Fimmtudaginn 16. febrúar kl: 16:15 er mæting í Keiluhöllina í Öskjuhlíð. Spiluð er keila á 14 brautum milli 16:30-17:30, að því loknu er boðið uppá hressingu. Mentorar og börn eru hvött til að koma saman og eiga góða stund, þessi … Continue reading →

Jólastund í Kvennó

Halldora — Wed, 04 Jan 2012 12:44:37 +0000

Jólastund var haldin í desember með mentorum og börnum. Bryndís Björgvinsdóttir las úr nýútkominni bók sinni ” Flugan” og galdramaður sýndi spilagaldra.
Hér má sjá nokkrar myndir af jólastundinni.

Jólaföndur á Neskaupstað

Halldora — Fri, 09 Dec 2011 12:32:25 +0000

Jólastund!
Mentorar og börn á Neskaupstað hittust í byrjun desmeber og föndruðu saman. Hér eru nokkrar myndir frá þeim.

Upphafsdagur verkefnisins vináttu 2011

Halldora — Thu, 27 Oct 2011 12:33:38 +0000

Þann 5.október var upphafsdagur vináttuverkefnisins haldinn í húsakynnum Kvennaskólans í Reykjavík. Þar hittust börn, foreldrar og mentorar í fyrsta sinn og áttu notalega stund saman.
Verkefnið er í gangi frá byrjun október og fram í apríl. Á því tímabili hittast mentor og barn einu sinni í viku um það bil 3. klst í senn í 25-28 skipti. Þátttakenndur eru frá 17 grunnskólum, átta framhaldsskólum, HR og HÍ.

Lokahátíð Mentorverkefnisins 2011

admin — Tue, 22 Mar 2011 19:58:08 +0000

Lokahátíð mentorverkefnisins Vináttu verður haldin í Fjölskyldu– og húsdýragarðinum laugardaginn 9. apríl 2011 kl. 11-13.

Hátíðin verður haldin í „hvíta tjaldinu“ sem er við veitingarsöluna. Þegar þið komið í Húsdýragarðinn þá segið þið í afgreiðslunni að þið séuð í mentorverkefninu Vináttu. Það er ekki nafnalisti en við verðum að láta vita þannig að hægt sé að telja hversu margir mæta. Þið þurfið ekki að borga inní garðinn.

Hátíðin er fyrir mentora og börn – mentorar eiga að koma upplýsingum um hátíðina áleiðis til barnanna og mæta með börnunum á hátíðina. Endilega láta foreldra einnig vita af hátíðinni – foreldrarnir mega líka mæta.

Dagskráin hefst kl. 11:00 þar sem verkefnastjóri bíður alla velkomna. Því næsta verða skemmtiatriði bæði aðkeypt og heimatilbúin ?

Viljum biðja mentora um að hvetja börnin til að taka þátt í hæfileikakeppni á lokahátíðinni. Þau geta verið ein með atriði eða atriði þar sem mentor og barn troða upp! Til að skrá sig í hæfileikakeppnina þarf að senda nokkrar línur í tölvupósti til Elínar verkefnastjóra (vinatta@vinatta.is) – segja nafn/nöfn þeirra sem ætla að keppa og hvað viðkomandi ætlar að gera – syngja, dansa, segja brandara o.s.frv. Glæsileg verðlaun í boði.

Eftir skemmtiatriði og hæfileikakeppni verður boðið uppá grillaðar pylsur, djús og gotterí.

Mjög mikilvægt að allir mæti á lokahátíðina – þarna koma saman allir mentorar og börn á Stór-Reykjavíkursvæðinu. Eftir hátíðina eiga mentorpörin svo eftir að halda sína eigin „kveðjustund“ þar sem þau gera upp samveruna og mentorárið.

Sjáumst laugardaginn 9. apríl
F.h. mentorverkefnisins Vináttu
Elín vinatta@vinatta.is og Björk bjorkth@kvenno.is

Jólastund Vináttu

admin — Thu, 09 Dec 2010 19:10:25 +0000

Árleg jólastund mentorverkefnisins Vináttu á Reykjavíkursvæðinu verður haldinn fimmtudaginn 16. desember kl. 16:00. Jólastundin er fyrir mentora og börn.

Mæting í sal DeCode (Íslensk erfðagreining), Sturlugötu 8, 101 Reykjavík
(sjá á korti).

Þar munum við eiga hátíðlega stund saman og enda samverustundina á því að fá okkur kakó og piparkökur.

Jólastundin telst sem samverustund og á því að skrá í dagbók.

Með jólakveðju
f.h. Vináttu, mentorverkefnis
Elín Þorgeirsdóttir, verkefnastjóri
Björk Þorgeirsdóttir

Upphafsdagur 2010

admin — Fri, 08 Oct 2010 19:12:05 +0000

Miðvikudaginn 6. október hittust yfir 200 manns í húsnæði Kvennaskólans í Reykjavík í tengslum við mentorverkefnið Vináttu sem gengur út á að mynda tengsl og gefa háskóla- og framhaldsskólanemendum tækifæri til að tengjast grunnskólabarni og vera góð fyrirmynd. Skólaárið 2010-2011 eru mentorpörin um 107 talsins (alls 215 einstaklingar) og koma úr framhaldsskólum, háskólum og grunnskólum í Reykjavík, Kópavogi, Garðabæ, Hafnarfirði, Borgarnesi, Egilsstöðum og Akureyri.

Upphafsdagurinn er skemmtilegur dagur þar sem að mentorpörin hittast í fyrsta sinn og í framhaldi af því koma þau til með að hittast einu sinni í viku yfir heilt skólaár og gera margt skemmtilegt saman, segir í tilkynningu.
Sjá umfjöllun á MBL.is.

Mentorverkefnið Vinátta

Mentorverkefnið Vinátta hóf göngu sína haustið 2001 og hefur verið rekið af Velferðarsjóði barna á Íslandi. Velferðarsjóður barna var stofnaður árið 2000 af Íslenskri erfðargreiningu og heilbrigðis- og trygginamálaráðuneytinu. Markmið sjóðsins er að hlúa að hagsmunamálum og velferð barna á Íslandi.

Kjarni mentorverkefnisins Vináttu er að háskóla- og framhaldsskólanemar veiti grunnskólabörnum á aldrinum 7-10 ára stuðning og hvatningu. Mentorar fá tækifæri til að vera fyrirmynd í lífi grunnskólabarna og börn fá tækifæri til að mynda tengsl við þroskaðan, fullorðinn einstakling utan fjölskyldu.

Mentorverkefnið Vinátta
Krókhálsi 5d
110 Reykjavík
Sími 5519873

vinatta[hjá]vinatta.is