MARKMIÐ OG HUGMYNDAFRÆÐI

Markmið og hugmyndafræði

Hugmyndafræði

Meginmarkmið verkefnisins er  að framhalds- og háskólanemendur vinni að velferð barna og öðlist víðtæka reynslu í samskiptum við börn. Mentorverkefnið Vinátta er samfélagsverkefni þar sem lögð er áhersla á gagnkvæman ávinning og hagsmuni í samfélaginu með því að börn og ungmenni læri af aðstæðum hvors annars.

Þetta byggir á þeirri hugmyndafræði að slík samskipti séu jákvætt innlegg í líf barnsins því að leiðsagnar-aðilinn/mentorinn verður barninu fyrirmynd. Tengslin sem myndast á milli mentors og barns gætu bætt við möguleika barnsins við mótun sjálfsmyndar og komið fram m.a. í auknum námsáhuga og árangri auk aukinnar lífsleikni.

Börnin eiga að:

• kynnast nýjum hugmyndum, aðstæðum og öðlast nýja þekkingu og reynslu.
• styrkja sjálfsmynd sína og auka félagsfærni.
• kynnast nýjum aðstæðum til skemmtunar.
• kynnast möguleikum til náms.

Mentorarnir eiga að:

• þroska félagslega færni og samskiptahæfni
• geta átt uppbyggileg samskipti við börn og forráðamenn þeirra
• geta lagað sig að margbreytilegum aðstæðum
• vinna að velferð barna og öðlast víðtæka reynslu í samskiptum við börn
• skipulagt samverustundir með grunnskólabarni eða hópi grunnskólabarna